Olmayacaq

Şeirimi oxuyub ağlasan bil ki,
Günahkar tək mənəm söz olmayacaq
Baxışlar itirsə ünvanı yeri
Günahkar tək mənəm göz olmayacaq

Gözlərin kövrəlib buludtək dolsa
Qəlbində çağlasan tufanlar qopsa
İsladıb yanağı damlalar axsa
Günahkar tək mənəm üz olmayacaq

Yansa urəyində ümüd çırağı
Yuxusuz sən açsan gələn sabahı
Alişsa könlündə bir eşq ocağı
Günahkar tək mənəm köz olmayacaq

Axtarıb hər yerdə arasan məni
Düşünmə həsrətdə yandırdım səni
Küsdürsən tərk etsəm məhəbbətimi
Günahkar tək mənəm naz olmayacaq