Daha gəlmə? daha gəlmə!
Sən gedəli susub mənim
Gözlərimin eşq harayı
Həsrətindir ara sıra
Yada düşən bir qağayı
Çırpınıram sahilində
Daha gəlmə? daha gəlmə!
Əllərimdə soyuq külək
Saçlarımda sənin izin
Öldü daha arzu dilək
Çoxdu dərdi bu dənizin
Zülmətinə heç ələnmə
Daha gəlmə? daha gəlmə!
Otağımda yuxum yatır
Mənim isə röyalarım
Gözlərimdə kama çatır
Biz ki, ayrı dünyaların
İnsanıyıq bilə bilə
Daha gəlmə? daha gəlmə!
Xəyal olub gəlsəm sənə
Ürəyimi desəm sənə
Sənə sevgim bir cahandır
Lap dünyanı versəm sənə
Bu bəxşişi heç götürmə
Daha gəlmə? daha gəlmə!
İndi daha mənim sevdam
Yaralıdır qanadınnan
Hər addımda düşsə yada
Döndərməsin inadınnan
Qururundan sən əyilmə
Daha gəlmə? daha gəlmə!
Kim bilərki ürəyimdə
Özün boyda sevgin gəzir
Görmək üçün baxan gözdə
Dərdin gəzir qəmin gəzir
Xatirimdən geri dönmə
Daha gəlmə? daha gəlmə!
Gecəm səni cağırsada
Ümüdlərim bağırsada
İllər səni kədər kimi
Saçlarıma yağdırsada
Nə görünmə nə bilinmə
Daha gəlmə? daha gəlmə!
Divanədə sözün çoxdu
Bu əhdində dözüm çoxdu
Susan könlüm heç dinərmi
Bağışla get xatirəmi
Xoş günlərin son dəminə
Daha gəlmə? daha gəlmə!
Şərhlər (0)
Bu şeirimi şərh etməmişlər. İlk fikrinizi siz paylaşın.