Məni unudasan deyə

Yığılıb yerə girmək istəyirəm,
Xatirində yetim qalanlardan,
Qismətində olanlardan,
Ürəyində solanlardan,
Yığılıb yerə girmək istəyirəm
Məni unudasan deyə.
Baxıram gözlərinə, qəm görürəm,
Bir günahkar mən görürəm.
Silah çəkib ürəyimdən, 

Nişan alıb diləyimdən,
Vurmaq istəyirəm məni.
Məni unudasan deyə,
Həyatının əlvan rəngi qanım olsun!
Danım olsun bir gecədə bitirdiyin,
Canım olsun itirdiyin.
Ölüb getmək istəyirəm,
Məni unudasan deyə.
Saçlarından qara rəngi sökən əli,
Ümid üçün uzatdığın əllərini bükən əli,
Kəsib atmaq istəyirəm.
Məni unudasan deyə,
Yollarına düşən izim sızıldayır.
Torpağına çökən dizim sızıldayır.
Nə olarki, bir görəsən,
Dözmürəm, kədərinə odlanıram,
Ürəyim ağrıyır.
Ucalmağı istəyirəm,
Məni unudasan deyə,
Məni unudasan deyə.