Sözüm ürəyimin xətrinə dəyir

Məni dindirməyin, deyə bilmirəm

Deyirəm çətindi onsuz yaşamaq

Sözüm ürəyimin xətrinə dəyir

Mən necə ağlayım, gözüm məhvidi

O getdi vidalı könül əfvidi

Bəlkə də qismətdi, bəlkə səhvidi

Sözüm ürəyimin xətrinə dəyir

Ömür yıxdığını çətin ki, tikə

Məni dindirməyin susaram bəlkə

Bu ürək bu həsrət məndən əl çəkə

Sözüm ürəyimin xətrinə dəyir

Sevdiyi atəşdə, yanar pərvanə

Düçardan, naçara bir ömür yolu

Özü Divanədir, eşqi divanə!

Sözüm ürəyimin xətrinə dəyir